وەزارەتی ئیتلاعاتی کۆماری ئیسلامیی ئێران رایگەیاند ، ئەنجامدەری کاری تێکدەرانە لە ناوەندی ناڤۆکیی نەتەنز ناسراوە .

بە پێی راپۆرتی ئاژانسی ھەواڵی یانەی ھەواڵنێرانی لاو ، رەزا کەریمی ئەنجامدەری سەرەکیی ئەم کارە تێکدەرانە کە لە لایەن وەزارەتی ئیتلاعاتەوە ناسراوە ، بۆ دەرەوەی ئێران رایکردووە ، بەڵام ھەنگاوی پێویست بۆ گەڕاندنەوەی لە رێگەی یاساییەوە دەستپێبووە . 

یەکشەممەی رابردوو بەشێکی کارەبای دامەزراوەی پیتاندنی شەھید ئەحمەدی رۆشەنی نەتەنز ، تووشی رووداو بوو . 

عەلی ئەکبەڕ ساڵحی  سەرۆکی رێکخراوی وزەی ئەتومیی ئێران جەختی کردەوە ئەم کارە تێکدەرانە بووە و سەرەداوەکانی دۆزراونەوە .