ئەندامانی کۆڕی دەوڵەتی سیانزەھەم بە ئامادە بون لە سەر گڵکۆی دامەزرێنەری کۆماری ئیسلامیی ئێران، لەگەڵ ئارمانجەکانی ئیمام خومەینی(رە) و شۆڕشی ئیسلامی پەیمانیان نوێ کردەوە.

«سەیید ئیبراھیم ڕەییسی» سەرۆک کۆماری ئێرانی ئیسلامی و ئەندامانی کۆڕی دەوڵەتەکەی ئەمڕۆ پێنج شەممە ھاوکات لەگەڵ دەستپێکی حەوتەی دەوڵەت و دەست بەکار بوونی کابینەی تازە، بە ئامادە بون لە سەر گڵکۆی دامەزرێنەری کۆماری ئیسلامیی ئێران، لەگەڵ ئارمانجەکانی ئیمام خومەینی(رە) و شۆڕشی ئیسلامی پەیمانیان نوێ کردەوە.

کۆبوونەوەکانی لێکدانەوەی شیاوەتی و متمانە بەخشین بە کابینەی سیانزەھەم دوێنێ چوارشەممە لە مەجلیسی شورای ئیسلامی کۆتایی پێ ھات و لەو ١٩ وەزیرە پێشنیار کراوە، تەنیا وەزیری پەروەردەو بارھێنان لە پەرلەمان دەنگی متمانەی وەرنەگرت.

کۆمەڵێک لە وەزیرەکان، دوێنێ بە ئامادە بوون لە وەزارەتخانەکان و شوێنەکانی ئیش کردنیان، چالاکیی خۆیانیان دەس پێ کرد.