ئەمیر عەبدوڵڵاهیان: 1+4 بۆ وتووێژ بەگوێرەی ڕەچاوکردنی قازانجە هاوبەشە بەرامبەرەکان ئامادەبێت
وەزیری دەرەوەی ئێران گوتی: ئامانجی "وتووێژ" هەرتەنیا قسەکردن نییە بەڵکوو ڕێککەوتنێکی بەکردەوە و رێزدانان بۆ قازانجە بەرامبەرەکان.
بە پێی ڕاپۆرتی فەرمانگەی گشتی ڕاگەیاندن و کاروباری گوتە بیژی وەزارەتی دەرەوە، حسەین ئەمیر عەبدوڵڵاهیان وەزیری دەرەوەی ئێران ڕۆژی سێشەممە لە توییتەر دانووسی:کۆشکی سپی داوای وتوویژ لەگەڵ ئێران دەکات و ئیدعای ئامادەبوون بۆ گەڕانەوە بۆ بەرجام دەکات بەڵام هاوکاتیش بایکۆتی نوێ دژی کەسان و بەشگە ئێرانییەکان دادەنێ.
وەزیری دەرەوەی ئێران بەباسکردنی ئەوەی کە تاران بە وردی ڕەفتاری کاربەدەستانی ئەمریکا تاوتوێدەکات جەختیکرد:چوار کۆ یەک بۆ وتووێژ بەگوێرەی ڕەچاوکردنی قازانج ومافەکانی بەرامبەر ئامادە بێت.
"داناڵد ترەمپ" سەرۆک کۆماری پشسووی ئەمریکا، ٨ـی مای ٢٠١٨ بەشێوەی یەکلایانە و نایاسایی لەبەرجام کشایەوە و سیاسەتی ناسراو بە "گوشاری زۆرینە" ی لە بەرنامەی کاری خۆی دانا.
کاربەدەستانی دەوڵەتی "جۆبایدین" سەرۆک کۆماری ئێستای ئەمریکا بەجاران بەڕاشکاوی دانیان داناوە بەسەر شکستی سیاسەتی گوشاری لانیسەری و گوتوویانە گەرەکیانە ئەمریکا بگەڕێننەوە سەر بەرجام؛بەڵام تا بە ئێستا هیج کردەوەیەکی پێویستییان لەم بوارەدا ئەنجام نەداوە.
