سەرۆک کۆماری ئێران: لابردن و پوچەڵکردنەوەی بایکۆتەکان بە هێز و تواناوە پێوشوێن دەگرین
سەرۆکی کۆماری ئیسلامی ئێران شەوی یەکشەممە وتی: حکومەتی ئێران لابردن و پوچەڵ کردنەوەی بایکۆتە زاڵمانەکان بە هێز و تواناوە پێوشوێن دەگرێت.
" سەیید ئیبراهیمی ڕەییسی " لە دیمانەیەکی ڕاستە وخۆدا بە خستنەڕووی دەقی پێشنیارکراوی ئێران لە چوارچێوەی دوو مژار " هەڵوەشانی بایکۆتە زاڵمانەکان و" پرس ومەسەلەی ناڤۆکی" ئاماژەی دایە لایەنی بەرامبەرلە وتووێژەکانی ئەم دواییە لە ڤیەن و وتی" ئەمڕۆ بە دونیا سەلمێندراوە کە ئێران بەهێزوتواناوسەربەرزیەوە لە وتووێژەکان دا بەشداری دەکات.
ڕەییسی بە ڕاگەیاندنی ئەمە کە لاچوون وپوچەڵ کردنەوەی بایکۆتە زاڵمانەکان سەریەتی وئەولەویەتی حکومەتی ئێرانە ڕایگەیاند: هەتا ئێستاکە زیاتر لە ١٠٠ کۆبوونەوە وپێوەندیمان لەگەڵ سەرۆکان وکاربەدەستانی وڵاتانی جۆربەجۆرهەبووە ولەم وتووێژانەدا لەسەر ئیرادەی کۆماری ئیسلامی بۆ پەرەی پێوەندیی کۆمەڵایەتی ، سیاسی، فەرهەنگی وئابووری لەگەڵ جیهان پێداگری کردووە.
سەرۆکی کۆماری ئیسلامی ئێران لەم وتووێژە تەلەفزیۆنەدا ئاماژەی دایە سەفەری ئەم دواییەی خۆی بۆ تاجیکستان و وتی: دوای ئەم سەفەرە پێوەندی ئابووری وتیجاری دوو وڵات سێ هێندە بووە.
