لە دیداری پارێزگارانی ئیلام و دیالەی عێراق گرێبەستی دامەزراندنی بازاڕچەی باکووریی نێوان ئێران و عێراق واژۆ کرا.

بە پێی راپۆرتی ئاژانسی هەواڵی مێهر، حەسەن بەهرام نیا پارێزگاری ئیلام وتی: پاش واژۆی ئەم ڕێککەوتننامە هەوڵ ئەدەین مۆڵەتی پێویست وەربگرین.

ئەو وتیشی: هیوادارین بە دامەزراندنی ئەم بازارچە هاوبەشە ، شایەتی گەشەی بازرگانی و ئاڵووێری نێوان دوو وڵات بین.

موسەنا تەمیمی پارێزگاری دیالەی عێراقیش لەم دیدارەدا وتی: پێشتر لە گەڵ پارێزگاری پێشووی ئیلام لە سەر ئەم بابەتە ڕێک کەوتین کە بەداخەوە حکومەتی ناوەندیی لە سەری ڕێک نەکەوت.

ئەو وتیشی: شێلگیرانە ڕێککەوتنی حکومەتی ناوەندیی بۆ دامەزراندنی بازاڕچەی هاوبەش لە نێوان ئیلام و دیالە شوێنگیری دەکەین.