بەشێک لە قەبارەی گەورەی خۆڵبارین لە وڵاتی عێراق ، گەیشتە پارێزگەی کوردستان و کێشەی بۆ خەڵک سازکردووە .

بە پێی راپۆرتی ئیران پرێس ، بە هاتنی ئەم قەبارەیە لە تەپوتۆزبۆ پارێزگەی کوردستان ، هەوای شارەکانی سنە ، مەریوان ، سەقز و کامیاران تا 10 ئەوەندەی رادەی تەندروست پیس بووە و لە رەوشێکی مەترسیداردایە .

هەندێ ناوچەی رۆژاوا ، باشووری رۆژاوا و ناوەندی ئێران لە رۆژانی رابردوودا تووشی خۆڵبارینی قورس بوونە و کێشە و گرفت بۆ خەڵک دروست بووە .