میری قەتەر بۆ دیدارو ڕاوێژ لەگەڵ کاربەدەستانی کۆماری ئیسلامیی ئێران گەییشتە تاران.

«شێخ تەمیم بن حەمەد ئالی سانی» ئەمڕۆ پێنج شەممە بە سەرۆکایەتیی شاندێکی پایەبەرزی سیاسی و ئابووری بە مەبەستی دیدار لەگەڵ کاربەدەستانی باڵای کۆماری ئیسلامیی ئێران گەییشتە تاران و لە لایەن «موحەممەد موخبیر» یاریدەری یەکەمی سەرۆک کۆمارەوە پێشوازیی لێ کرا.

میری قەتەر بە پێی بانگێشتنی «سەیید ئیبراھم ڕەییسی» سەرۆک کۆماری ئێرانی ئیسلامی سەردانی تارانی کردووە.

پێشوازیی فەرمی، وتووێژ دوولایەنەی سەرۆکان و ڕاوێژی شاندە باڵاکانی دوو وڵات و پرێس کۆنفرانسی «سەیید ئیبراھم ڕەییسی» سەرۆک کۆماری ئێرانی ئیسلامی و «شێخ تەمیم بن حەمەد ئالی سانی» میری قەتەر لەو بەرنامانەی ئەم سەردانە یەک ڕۆژەیەیە.