ئێران تەقینەوە تیرۆریستییەکەی ئەستەمۆڵی تورکیای شەرمەزار کرد
تشرینی دووه‌م 14, 2022 03:45 Asia/Tehran
«ناسر کەنعانی» وتەبێژی وەزارەتی دەرەوەی ئێران لە کاردانەوە بە ڕووداوی تەقینەوە تیرۆریستییەکەی ڕۆژی یەکشەممەی لە ئەستەمۆڵی تورکیا، ئەم کارەی بە توندی ئیدانە کرد.
بەپێی ڕاپۆرتی ئیرنا، «ناسر کەنعانی»وتی: تاران ئیدانەی هەر کارێکی تیرۆریستی دەکات کە ئاسایشی وڵات و نەتەوەی تورکیا بکاتە ئامانج.
«کەنعانی» وێڕای داوای ڕەحمەت و بەزەیی خوداوەند بۆ قوربانییەکان و ئاواتی چاکبوونەوەی خێرای بریندارەکان، هاوسۆزیی خۆی بۆ حکومەت و گەلی تورکیاو بەتایبەت کەسوکاری قوربانییەکان دەربڕی.
ئێوارەی ڕۆژی یەکشەممە لە ئەنجامی تەقینەوەیەکی تیرۆریستی لە شەقامی ئیستقلال کە نزیکی مەیدانی تەقسیم لە ئەستەمۆڵ ٦ کەس کوژران و دەیان کەسیش بریندار بوون.
«فۆئاد ئۆکتای» جێگری سەرۆک کۆماری تورکیا ئێوارەی ڕۆژی یەکشەممە ڕایگەیاند، ئافرەتێک ئەنجامدەری ھێرشە خۆکوژییەکەی ئەستەموڵ بووە.
