بەستنەوەی ئێران بە ئۆردۆن و سوریا بە ھۆی ڕێگای ئاسنی شەلەمچە - بەسرەوە
جێگری وەزیری گواستنەوەو ڕێگاوبان و گەشەپێدانی شارەکانی ئێران ڕایگەیاند:بە خستنەگەڕی هێڵی شەمەندەفەری شەلەمچە - بەسرە، ئێران جگە لە عێراق بە ئۆردۆن، سوریا و وڵاتانی دراوسێی دیکەشەوە دەبەسترێتەوە.
«شەهریار ئەفەندی زادە» جێگری وەزیری گواستنەوە، ڕێگاوبان و گەشەپێدانی شارەکانی ئێران لە بەرنامەیەکی تەلەفزیۆنیدا سەبارەت بە لێکگەییشتن لەگەڵ بەرپرسانی عێراقی بۆ بەستنەوەی تۆڕی شەمەندەفەری دوو وڵات ڕاگەیاند: ساڵانێکی زۆرە کە هەوڵ دراوە بۆ بەستنەوەی تۆڕی شەمەندەفەر لە شەلەمچەوە بۆ بەسرەو لەوێشەوە بۆ کەربەلا.
«ئەفەندزادە» بە ئاماژە بە گرنگیی پەیوەندییە بازرگانی و ئابوورییەکانی ئێران و عێراق وتیشی: ھەڵمەتی بەستنەوەی پڕۆژەی شەمەندەفەری شەلەمچە - بەسرە لە ماوەی ساڵ و نیوێکدا یەکلایی دەبێتەوە.
جێگری وەزیری ڕێگاوبان و گەشەپێدانی شارەکانی ئێران وێڕای ئاماژە کردن بەمەی کە پێنج پارێزگای ئێران و عێراق سنووریان هاوبەشە و دەروازەی شەلەمچە گرنگترین دەروازەی نێوان هەردوو وڵاتە ڕاشیگەیاند: لەگەڵ تەواوبوونی تۆڕەکان ڕێگاکان پێکەوە دەنووسێن و ژمارەیەکی زۆر لە زیارەتکاران دەتوانن هێڵی شەمەندەفەر بەکاربهێنن بۆ گەشتکردن بەرەو مەزارگە پیرۆزەکان.
