ڕابەری باڵای شۆڕشی ئیسلامی: ناردنی پەیام لەلایەن ئێرانەوە بۆ ئەمریکا ، درۆیە
حەزرەتی ئایەتوڵڵا خامنەیی فەرموی دەنگۆیان بڵاوکردۆتەوە گوایە ئێران لەڕێی فڵانە وڵاتەوە پەیامی بۆ ئەمریکا ناردووە ، ئەوە درۆیە و قەت شتی وا ڕووی نەداوە.
حەزرەتی ئایەتوڵڵا خامنەیی ڕابەری باڵای شۆڕشی ئیسلامی دوێنێ شەو له وتارێکی تەلەڤیزیۆنیدا ڕوو لە خەڵکی ئێران وێڕای تەئکید لەسەر حەوجەی بەهێزکران و درێژەپێدان بەدەسەڵاتی بەسیجی"هێزی جەماوەریی" لە هەموو نەوەکاندا وەک " سامانێکی مەزن، بزاوتی گشتگیر و هۆکاری بەهێزبوونی دەسەڵاتی نیشتمانیی" ناکامی ئەمریکا و ڕژێمی زایۆنیی لە وەدیهێنانی هیچکام لەئامانجەکانی پەلاماردانی ئێران ، بەنیشانەی تێکشکانی بێسێودووی ئەوان پێناسەکرد و به خستنە ڕووی چەن ڕاسپێری بۆ خەڵکی ئێران ، داوای لە جەماوەر و سەرجەم لایەنە سیاسییەکان کرد ، بەس لەبیری پاراستن و بەهێزکردنی یەکریزی نیشتمانی دابن.
حەزرەتی ئایەتوڵڵا خامنەیی لەبەشێکی تری وتارەکەیدا ، لەبارەی پرسەکانی ناوچەکە و شەڕی دوازدە ڕۆژە فەرموی لەوشەڕەدا نەتەوەی ئێران بێگومان هەم ئەمریکا و هەم ڕژێمی زایۆنیی تێکشکاند ، ئەوان هاتن و شەڕیان پێفرۆشتین بەڵام لێیان درا و بەدەستی بەتاڵ گەڕانەوە و هیچکام لە ئامانجەکانی خۆیان نەپێکا کە ئەوەش تێکشکانێکی قوڕس بوو بۆیان.
حەزرەتی ئایەتوڵڵا خامنەیی وێڕای ئاماژە بە بێئابڕویی و بەدناوی ڕژێمی زایۆنیی لەکارەسانی غەزە وەک تاڵترین کارەسات لەناوچەکەدا ، فەرمویئەمریکا لە چێکردنی ئەو کارەساتە هاوبەشی ڕژێمی داگیرکەربوو و ئەویش زۆر بێئابڕوو و بەدناو بووە چونکوو خەڵکی دنیا دەزانن ڕژێمی زایۆنیی به بێ ئەمریکا ، توانایی چێکردنی ئەو هەموو کارەساتەی نییە.
