سەرۆک کۆماری ئێران وتی: من ڕامگەیاندووە و ڕایدەگەیەنم کە ماڵاواییم لە ڕێبەری شەهید نەکردووە و نایکەم. ئەو بەڕێزە تاهەتایە لە دڵ و زەینی مندا و لە پێش چاوی مندا هەر زیندوویە و زیندوو دەبێ.

مەسعود پزشکیان لە کۆنفرانسی نێودەوڵەتیی "ئیمام خامەنەیی؛ ڕێبەری تاهەتایی خۆڕاگری" بە جەختکردنەوە لەسەر پێگەی بێوێنەی ڕێبەری شەهیدی شۆڕش، ڕاشیگەیاند: مەزنایەتی، سەربەرزی، بەڕێوەبەرایەتی و شانوشکۆی ڕێبەری شەهیدمان واوەتر لەوەیە کە لە چوارچێوی وشە و دەستەواژەدا وەسف بکرێ و ئەوەی ئەمڕۆ لە هەست و سۆز دەربڕین، فرمێسکەکان و ئامادەبوونی بەگوڕ و پڕخرۆشی خەڵک لە گۆڕەپانە جۆراوجۆرەکاندا دەبیندرێ، ئاشکراترین نیشانەی پێگەی بەرزی بەڕێزیان لە نێو گەلی ئێران و هەموو ئازادیخوازانی جیهاندایە. مەسعود پزشکیان بە ئاماژە بە پێگەی ڕێبەری شەهید، یەکپارچەبوونی ئۆمەتی ئیسلامی بە گرینگترین ڕێگای بەرەنگاربوونەوەی پیلان و دەسدرێژییەکانی دوژمنان زانی و پێیداگرت لە سەر پێویستیی یەکگرتنەوەی موسڵمانان، بەرەنگاربوونەوەی دووبەرەکی، شەرمەزار کردنی جەنایەتەکانی ڕژێمی زایۆنی و درێژەپێدانی ڕێگای خۆڕاگری، دادخوازی و سەربەخۆیی.