نەخۆشانی شەكرە چۆن کۆنتڕۆڵی شەكرە بکەن ؟
هەبونى رێژەیەکى هاوسەنگى شەکرى خوێن، یارمەتیدەر دەبێت لە باشترکردنى بارى دەرونى و بڕى وزە بە شێوەیەکى گشتى، بەرزبونەوە و نزمبونەوەیشى لە خوێندا دەکرێت توشى نەخۆشى درێژخایەن و چەندین مەترسیی توشبون بە نەخۆشییەکانت بکات وەک لەدەستدانى بینایی و نەخۆشییەکانى گورچیلە و دروستبونى برینى درێژخایەن لەسەر پێست.
لەبەر ئەم مەترسییانەى کە نەخۆشى شەکرە دەکرێت توشى مرۆڤەکانى بکات، پێویستە کەسێک توشبو بێت یاخود نا خۆى لێ بەدور بگرێت و کۆمەڵێک خۆپارێزى هەیە ئەنجامیان بدات، تا بتوانێت بە تەندروستییەکى باشەوە بژى، لێرەوە باسى کۆمەڵێک خواردە دەکەین کە رێژەى شەکر لە خوێندا بە هاوسەنگى دەهێڵێتەوە.
*هەوڵبدە ئەو خواردنانەى کاربۆهیدراتیان تێدایە لە کۆتایی ژەمەکاندا بیانخۆیت
*هەوڵبدە بەشێکى زۆرى خواردنەکانت ریشاڵیان تێدابێت و لە رۆژەکەدا بە بەردەوامى بیانخۆ
*کاتێک ژەمێکى تەواوەتى دەخۆیت هەوڵبدە پیاسە بکەیت
*زۆرتر گرنگى بە جوڵە وەرزشییەکان بدە
*سەوزەواتەکان لەگەڵ ژەمەکانتدا بخۆ
*با ژەمى بەیانیانت پڕ پڕۆتین بێت
*بڕێکى باش ڤیتامین دى وەربگرە
*بەردەوام و رۆژانە هەوڵبدە ئەڤۆکادۆ بخۆ
*رۆژانە بڕێکى باش ئاو بخۆرەوە
*بەکارهێنان و بڕى شەکر لە ژەمەکانتا بە تەواوەتى کەم بکەرەوە
دەکرێت شێوازى ژیانت و وەرزشکردن و خواردنەوەى بڕى پێویستى ئاو و خواردنى ژەمى تەندروست رێژەى شەکر لە خ,ێندا رابگرێت، جگە لەوە چەندین سودى دیکەیشى هەیە وەک دابەزاندنى رێژەى کۆلیسترۆڵ و باشترکردنى تەندروستى گەدە و ریخۆڵە و بەرگرى لە توشوبن بە نەخۆشییە درێژخایەنەکان، جگە لەوەش دەرونت ئارام دەکاتەوە.
گرنگى خواردنى کاربۆهیدرات دواى ژەمى خواردن چییە؟
بەپێى یەکێک لە توێژینەوەکان کە لەسەر 16 بەشداربوى توشبوى شەکرەى جۆرى 2 ئەنجامدراوە، توشبوەکان کراون بە دوو دەستەوە بەشێکیان پڕۆتین و سەوزەواتیان خواردوە و دواى 10 خولەک کاربۆهیدراتیان خواردوە، گروپەکەى دیکەیش پێشتر کاربۆهیدراتیان خواردوە و دواى 10 خولەک پڕۆتین و سەوزەوان دەرکەوتوە:گروپى یەکەم رێژەى شەکر لە خوێنیاندا زۆر نزمتر بوە لە گروپى دووەم
