تورکیا؛ هەلمەتێکی دەستگیرکردنی لایەنگرانی فەتحوڵا گولەن لە 28 پارێزگا دەستیپێکردوە
ئاب 29, 2020 10:02 Asia/Tehran
حکومەتی تورکیا هەڵمەتێکی "لێکۆڵینەوە و دەستگیرکردنی" رێکخراوی فەتحوڵا گولەنی لە 28 پارێزگای تورکیا دەستپێکردوە.
بەگوێرەی هەواڵیکی ئاژانسی ئەنادۆڵی تورکی، لەماوەی دو رۆژی رابردودا هێزە ئەمنییەکانی تورکیا هەڵمەتێکی "لێکۆڵینەوە و دەستگیرکردنی" رێکخراوی فەتحوڵا گولەنی لە 28 پارێزگای تورکیا دەستپێکردوە و بەهۆیەوە تائێستا 24 گومانلێکراودەستگیرکراون.
حکومەتی تورکیا رێکخراوی فەتحوڵا گولەن بە رێکخراوێکی "تیرۆرستی" دەناسێنێت و رایگەیاندوە، هەڵمەتی لێکۆڵینەوە لە" رێکخراوی تیرۆریستیی فەتۆ" لە ناو سوپای تورکیا، لە 28 پارێزگای تورکیا بەڕێوەچوە.بەگوێرەی زانیارییەکان، ناوەندی لێکۆڵینەوەکە ئیزمیر بوە و لەکۆی 59 گومانلێکراو، 24-یان دەستگیرکراون.
