پەرلەمانی تورکیا پارێزبەندیی لە سەمرا گوزەل، پەرلەمانتاری HDP هەڵگرت
ئادار 02, 2022 19:38 Asia/Tehran
لەناو پەرلەمانی تورکیا، بە کۆی دەنگی پەرلەمانتاران، پارێزبەندی لە سەمرا گوزەل، پەرلەمانتاری پارتی دیموکراتی گەلان هەڵگیرا.
پەرلەمانی تورکیا هەڵگرتنی پارێزبەندیی لەسەر پەرلەمانتار سەمرا گوزەلی خستە دەنگدانەوە و 313 پەرلەمانتار بە بەڵێ دەنگیان دا بۆ هەڵگرتنی پارێزبەندی و 52 پەرلەمانتاریش بە نەخێر دەنگیان دا، بەمەش دەرگا بۆ دادگایی کردنی سەمرا کرایەوە.
سەمرا دوو تۆمەتی دراوەتە پاڵ، کە هەردووکیان پەیوەندییان بە پشتگیری کردنی پارتی کرێکارانی کوردسنان (پەکەکە)وە هەیە.
تۆمەتی یەکەم ئەوەیە کە پڕۆپاگەندەی بۆ پەکەکە کردووە، تۆمەتی دووەمیش، وێنەیەکی لەگەڵ بەرپرسێکی سەربازیی پەکەکەدا گرتووە و پاشان وێنەکەی بڵاو کردووەتەوە.
