ھێزەکانی ئاسایشتی تورکیا دە گومانلێکراو بە پەیوەندی لەگەڵ داعشیان ڕاپێچ کرد.

بە گوێرەی ڕاپۆرتی هەواڵدەریی ڕادیۆو تەلەفزیۆن، ئەم دە کەسە لە ئۆپەراسیۆنی هاوکات و هاوبەشی دژە تیرۆر و هەواڵگریی پۆلیسی تورکیا لە ئانکارا، قۆنیا، غازی ئەنتەب و قەیسەری دەستبەسەر کراون.

لەو تۆمەتبارانەدا کە دەستگیرکراون ٧ کەسیان هاوڵاتی تورکیان و ٣ کەسی دیکەش خەڵکی وڵاتانی دیکەن.

هێزە ئاسایشتییەکان لە شوێنی نیشتەجێبوونی ئەو کەسانە دەستیان بەسەر بڕێکی زۆر بەڵگەی ڕێکخراوەیی و کەرەستەی دیجیتاڵیدا گرتووە.

بەرماوەکانی تاقمی تیرۆریستی داعش ناوبەناو بەرپرسیارێتیی هەندێک هێرشی تیرۆریستی لە وڵاتانی ناوچەکە دەگرنە ئەستۆ.