بەهۆی وەرگەڕانی پاسێکەوە لە پارێزگای ئەفیونی قەرەحیسار لە ڕۆژئاوای تورکیا، ٨ کەس گیانیان لەدەستدا و ٣٥ کەسی دیکەش برینداربوون.

بە پێی ڕاپۆرتی ئاژانسی هەواڵدەری میهر بە گێڕانەوە لە کەناڵی ڕووداو، سەرچاوەکانی هەواڵ ڕایانگەیاندووە کە ئەم پاسە لە دیاربەکرەوە بەرەو شاری بۆدروم بە ڕێگادا بووە کەلە شاری ئافیۆن سەر بە پارێزگای قەرەحیساری تورکیا وەرگەڕاوە.

دوای بڵاو بوونەوەی هەواڵی ئەم ڕووداوە، ئۆتۆمبێلەکانی فریاکەوتن، بەشی ئاگرکوژێنەوە، ئۆتۆمبێلی فریاگوزاری و پۆلیسی تورکیا دەستبەجێ گەیشتنە شوێنی ڕووداوەکە.

تا ئێستا هیچ ڕاپۆرتێکی تر سەبارەت بە هۆکاری ئەم ڕووداوە نەخراوەتەڕوو.