بەزرکرانەوەی ئاستی سوودی بانکی لە لایەن بانکی ناوەندیی تورکیاوە
بڕیاری بانکی ناوەندیی تورکیا لە سەر گەیاندنی ڕادەی سوودی بانکی بە سەدی حەڤدە پۆینت پێنج جێبەجێ کرا.
نرخی سوودی بانکی لە تورکیا ئەمڕۆ دیسان هەڵکشا و لە سەدی پازدە گەیشتە سەدی حەڤدە پۆینت پێنج.
بانکی ناوەندیی تورکیا چەن هەفتە لەمەوبەر نرخی سوودی بانکی لە سەدی هەشت پۆینت پێنج گەیاندبوویە سەدی پازدە و چەن ڕۆژ لەمەوبەریش ڕایگەیاند؛ تا کۆنترۆڵ کرانی هەڵاوسان، بەردەوام دەبێ لە سەر سیاسەتەکانی.
شارەزایانی بواری ئابووری پێشبینی ئەوە دەکەن کە ڕادەی سوودی بانکی لە تورکیا ئەمساڵ ڕەنگە لە نێوان بیست و پێنج تا پەنجا لە سەد دیاری بکرێ. ژمارێک لە میدیاکانیش باسی ڕێژەی سەدی بیست و هەشت پۆینت پێنج دەکەن.
لە ڕۆژانی ئەمدواییەدا ڕەوتی دابەزینی نرخی لیرە، دراوی نیشتمانیی تورکیا هەر بەردەوامە و لەچاو دوو مانگ لەومەبر سەدی سی و چوار پۆینت حەوت دابەزیوە.
کەناڵی ئن تی ڤیی تورکیا ئەمڕۆ نرخی فرۆشرانی هەر دۆلاری لە بازاڕی ئەم وڵاتە بە بیست و شەش پۆینت هەشتاو نۆ لیرە و نرخی فرۆشرانی هەر یۆرۆی بە بیست و نۆ پۆینت نەوەد و یەک لیرە ڕاگەیاند. ئەوە لە کاتێکدایە کە نرخی یۆرۆ پێش بەڕێوەچوونی قۆناغی دووەمی هەڵبژادنەکانی سەرۆک کۆمارەتیی تورکیا نزیکەی بیست و دوو لیرە بوو.
