کوژرانی چوارکەس و بریندار بوونی یازدە ئەندامی سوپای تورکیا ومیلیشیاکانی سەربەوان لە عەفرین
تاقمی ناسراو بە ئازادکرانی عەفرینی سووریا،باسی کوژرانی دوو سەربازی تورک و پێنج میلیشیا و بریندار بوونی سێ سەرباز و میلیشیایەک لە دوو ئۆپراسیۆنی خۆی کرد بە دژی سوپای تورکیا و میلیشیاکانی سەر بەوان .
هێزەکانی ئازاد کردنی عەفرین بە بڵاو کردنەوەی بەیاننامەیەک رایگەیاند کە لە بەرواری شازدەی جولای دوو ئۆپراسیۆنی بە دژی سوپای تورکیا و میلیشیاکانی سەر بەوان ئەنجام داوە کە کوژرانی دوو سەربازی تورک و پێنج میلیشیا و بریندار بوونی سێ سەرباز و میلیشیایەکی لێ کەوتوەتەوە.
تاقمی ناسراو بە ئازادکرانی عەفرین لە درێژەی بەیاننامەکەی دا ڕایگەیاندووە پەلامارەکانی سوپای تورکیا و میلیشیاکان بەشێوەیەکی بەرنامە بۆ کراو بەدژی دانیشتوانی عەفرین درێژەی هەیە و ئۆپراسیۆنەکانی ئەوانیش لە وڵامی پەلامارەکانی تورکیا و میلیشیاکانی ڕاناوەستێ.
هێزی ئازادکرانی عەفرین هەروەها لە خاڵی سەرسنووری باب دا ئۆپراسیۆنێکیان بە دژی میلیشیاکانی سەربە تورکیا ئەنجام داوە کە لە ئەنجام دا پێنج میلیشیا کوژراون و میلیشیایەکیش بریندار بووە.
