لیژنەی وەزیرانی ئەنجومەنی ئەورووپا خوازیاری ئازادکرانی سەلاحەدین دەمیرتاش بوو
ئه‌یلوول 18, 2025 17:02 Asia/Tehran
لیژنەی وەزیرانی ئەنجومەنی ئەورووپا دیسان پێداگیری کرد لەسەر جێبەجێکردنی بڕیارەکانی دادگەی مافی مرۆڤی ئەورووپا سەبارەت بە سەلاحەدین دەمیرتاش و تورکیای بانگ کرد بۆ ئازادکردنی ناوبراو، هەروەها زیندانییانی دیکەی هاوشێوەی دەمیرتاش.
لیژنەی وەزیرانی ئەورووپا ڕایگەیاند کە لەبەندکرانی دەمیرتاش و نوێنەرانی هەڵبژاردەی خەڵک بە پلانێکی سیاسی و بنپێکەری ئازادی ڕادەربڕین و مافی نوێنەرایەتییەکەیان دەزانێ. هەروەها نیگەرانی دەربڕی لە پێڕانەگەیشتن بە سکاڵاکان لە دادگای یاسای بنەڕەتیی تورکیادا.
لیژنەی وەزیرانی ئەورووپا داوای لە تورکیا کردووە لە جیاتی گرتن و قۆڵبەستکردن ڕێکاری بەدیل بگرێتە بەر و بە جێبەجێکردنی چاکسازی یاسایی، فرەلایەنەخوازیی سیاسی و ئازادیی نەیاران و ناڕازییان دەستەبەر بکات.
