نوێنەری دەم پارتی خوازیاری لابرانی خێرای ناوی پەکەکە لە پێڕستی ڕێکخراوە تیرۆریستییەکان بوو
نوێنەری دەم پارتی وێڕای ئاماژە بە گەیشتنی پرۆسەی ئاشتی بۆ قۆناخی دووەم، خوازیاری هەڵگیرانی هەنگاوگەلی ڕوون و خێرا لەبارەی هەموارکرانی یاسا بوو.
مەراڵ دانیش بەشتاش وتی: بۆ بەرەوپێش بردنی ئاشتی پێویستە یاساوڕێسای هاوپێوەند بە ئازادی، پێداچوونەوە بە یاسای بەرەنگاربوونەوەی ترۆریزم، بەهێزکرانی مافی ئیدارەو فەرمانگە خۆبەڕێوەبەرە خۆجێیەکان و پێناسەکرانەوەی "مافی هیوا" لە سیستەمی مافەوانیی تورکیادا ئەنجام بگرێ. بەشتاش وێڕای ئاماژە بە پەیامەکانی عەبدوڵڵا ئۆجەلان و ڕاگەیاندنی ئەم دواییەی پەکەکە لەبارەی ڕاگرتنی چالاکییەکانی بەناوەی، پێی داگرت؛ تورکیا دەبێ ئەو گۆڕانە بەرەسمییەت بناسێ و پەکەکە لە پێڕستی ڕێکخراوە ترۆریستییەکان بێنێتەدەر. وتیشی؛ نوێکردنەوەی یاساوڕێسا هاوپێوەندەکان پێویستەو قۆناخی دووەمی پرۆسەی ئاشتی نابێ درێژ بکرێتەوە. بەشتاش خوازیاری پەسەندکرانی خێرای "یاسای ئازادیی وئاشتی" لە پەرلەماندا بوو.
