پێداگریی ئاڵمان لەسەر پێویستیی پێکهاتنی هاوپەیمانیی ئوروپایی بۆ ڕزگارکرانی پەناخوازان
وەزیری دەرەوەی ئاڵمان جەختی کرد لەسەر پێویستیی هێنانەدی هاوپەیمانیی ئوروپایی بۆ ڕزگاریی پەناخوازان و دەوربینینی سەرەکیی بەرلین تێیدا.
بەپێی راپۆری هەواڵدەریی " دێ پێ ئا"؛ هایکۆ ماس رۆژی شەممە وتی: ئوروپا پێویستی بە هاوپەیمانییەک پێکهاتوو لە وڵاتانی ئامادەی یارمەتیدان بە کۆچبەران و هەروەها میکانیزمێکە بۆ دابەشکرانی هەلی کار لەنێو ئەواندا.
ماس وتیشی: ئاڵمان ئامادەیە هەتا بەشێکی بەرچاوی ئەو هەنگاوە بگرێتە ئەستۆ و دەستەبەریی ئەوە بدات کە هەردەم ژمارێکی تایبەت لە پەناخوازانی ڕزگاربوو قەبووڵ بکا.
لەساڵانی ڕابردوودا ژمارێکی زۆر لە شارومەندان لە رۆژاوای ئاسیاو باکوری ئەفریقا، بەئامانجی ڕزگاربوون لە توندوتیژیی و ناجێگیریی ئابوری، کۆمەڵایەتی و سیاسی هەوڵ دەدەن وڵاتەکەیان جێ بێڵن و خۆیان بگەیێننە ئوروپا.
زۆربەی وڵاتانی ئوروپایی لەوان ئیتالیا لە لێوارەکانی مەدیتەرانە، لەچەند مانگی ڕابردوودا ڕێوشوێنی توندیان لەدژ کۆچبەران گرتووەتەبەر.
