SAHAR

پۆلیسی شاری ساکره‌مێنتۆ-ی ویلایه‌تی کالیفۆرنیا-ی ئه‌مریکا ئه‌مڕۆ یه‌کشه‌ممه‌ رایگه‌یاند، لەسۆنگەی روداوێکی ته‌قه‌کردن له‌ ناوجه‌رگه‌ی شاره‌که‌ 15 که‌س بوونه‌ قوربانی و له‌و ژماره‌یه‌ش شه‌ش که‌سیان مردون و نۆ که‌سی دیکه‌شیان برینداربوون که‌ به‌شێک له‌ برینداره‌کان برینه‌کایان سه‌خته‌.

 پۆلیسی شاری ساکره‌مێنتۆ له‌  ویلایه‌تی کالیفۆرنیا-ی ئه‌مریکا رایگه‌یاندوه‌، له‌ روداوێکی ته‌قه‌کردندا له‌ ناوجه‌رگه‌ی شاره‌که‌ 15 که‌س بونه‌ قوربانی ئه‌و روداوه‌.

ئاماژه‌ی به‌وه‌شکردوه‌، پۆلیس له‌گه‌ڵ تیمه‌کانی فراگوزاری خێرای شاره‌که‌ چونه‌ته‌ شوێنی روداوه‌که‌ و ده‌رکه‌وتوه‌ که‌ له‌و 15  کەسەی  بونه‌ته‌ قوربانی شه‌ش که‌سیان مردون و نۆ که‌سی دیکه‌شیان برینداربون که‌ به‌شێک له‌ برینداره‌کان برینه‌کانیان سه‌خته‌. 

ئاشکراشیانکردوه‌، له‌نێوان برینداره‌کاندا ژن و منداڵ بونی هه‌یه‌ و تا ئێستا هۆکاری روداوه‌که‌ نازانرێت و که‌سیش به‌هۆی روداوه‌که‌وه‌ ده‌ستگیر نه‌کراوه‌.پۆلیسی شاره‌که‌ش داوای له‌ هاوڵاتیانی شاره‌که‌ی کردوه‌ که‌ به‌هیچ شێوه‌یه‌ک له‌ شوێنی روداوه‌که‌ نزیک نه‌بنه‌وه‌ و هاوکاری تیمه‌کانی لێکۆڵینه‌وه‌ بکه‌ن تا لێکۆڵینه‌ له‌ روداوه‌که‌ به‌شێوه‌یه‌کی باش به‌ڕێوه‌ بچێت.