ھەڵبژاردنی فەڕەنسە : ماکرۆن و مارین لۆپێن چوونە گەڕی دووھەم
نیسان 11, 2022 15:25 Asia/Tehran
دوێنێ یه‌کشه‌ممه هەڵبژاردنی سەرۆکایەتیی فەرەنسا به‌ڕێوه‌چوو، بەپێی ئەنجامی بەرایی ھەڵبژاردنی سەرۆکایەتی فەرەنسا لە خولی یەکەم، ئیمانوێل ماکرۆن و مارین لوپێن بۆ خولی دووەمی ھەڵبژاردن سەرکەوتوون.
ئەنجامی گەڕی یەکەمی هەڵبژاردنی سەرۆکایەتیی فەرەنسا که 12 کاندید تیایدا کێبڕکێیان ده‌کرد، ئێواره‌ی دوێنێ راگەیه‌ندراو بەپێی ئەنجامەکان ئیمانوێڵ ماکرۆن 28.10٪ و ماریان لۆپێن: 23.30٪ دەنگەکانیان بەدەستهێناوەو یه‌کلاکردنه‌وه‌یان ده‌چێته گه‌ڕی دووه‌م.
بڕیاریشه گه‌ڕی دووەمی ھەڵبژاردنی سەرۆکایەتی فەرەنسا لە 24ی نیسانی 2022 بەڕێوەبچێت و سەرۆکی وڵات یەکلادەبێتەوە.
بۆ هەڵبژاردنی ئەمساڵ لە کۆی 67 ملیۆن دانیشتووی فەرەنسا، 48 ملیۆن و 700 هەزار سەرووی تەمەن 18 ساڵ مافی دەنگدانیان هەیە.
