بەهۆی داڕمانی پردێک لە ویلایەتی گوجەراتی هیندستان دەیان کەس گیانیان لەدەستدا
تشرینی یه‌که‌م 31, 2022 05:27 Asia/Tehran
لانیکەم ٦٠ کەس لە ئەنجامی داڕمانی پردێک لە ویلایەتی گوجەراتی هیندستان گیانیان لە دەست دا.
بەپێی ئاژانسی هەواڵدەریی ڕۆیتەرز، دەسەڵاتدارانی هیندستان ڕایانگەیاندووە، بەهۆی داڕمانی پردێکی کێبڵی لە شاری «مۆربی»ی سەربە ویلایەتی «گوجەرات» لە ڕۆژئاوای هیندستان، زیاتر لە 350 کەس کەوتوونەتە نێو ڕووبارەکەوە.
بەرپرسانی ناوچەکە باس لەوە دەکەن کە سەدان کەس لەسەر پردەکە بوون، ئەمەش بووەتە هۆی داڕمانی ئەم کەرەستە هەڵواسراوە.
ئەم پردە چەند ڕۆژ لەمەوبەر دوای چاک کردنەوە ھەمیسان خرایەوە گەڕ.
سەرۆکوەزیرانی هیندستان «نارێندرا مودی» کە بۆ گەشتێکی سێ ڕۆژەدا سەردانی بۆ گوجەراتی کردبوو، فەرمانی بە پارێزگاری گوجەرات دا کە بە زووترین کات هاوکاریی بریندارەکان بکات.
