هێرش بۆ سەر کونسولخانەی تورکیا لە شاری «مارسەی» لە فەرەنسا
کانونی دوھەم 08, 2023 18:20 Asia/Tehran
بینای کونسولخانەی تورکیا لە شاری «مارس»ی لە فەرەنسا هێرش کرایە سەر.
بە پێی ڕاپۆرتی هەواڵدەریی ڕادیۆو تەلەفزیۆنی ئێران، «ئەردا ئۆلۆتاش»، کونسوڵی گشتیی تورکیا لە «مارسەی»لەفەرەنسا ڕایگەیاند، شەش کەس بوتڵی ئاگرینیان فڕێداوەتە نێو بینای کونسولخانەی تورکیا و دواتر هەڵاتوون.
«ئەردا ئۆلۆتاش» لە درێژەدا ئاماژەی بەوە داوە کە کارمەندانی کونسولخانەی تورکیا لەم هێرشەدا هیچ زیانێکیان پێنەگەییشتووە، ئاماژەی بەوەشکردووە، بەرپرسانی کۆنسولخانە سکاڵایان تۆمارکردووە و گەیاندوویانەتە دەسەڵاتدارانی فەرەنسا.
بە وتەی کۆنسولی گشتیی تورکیا لە «مارسەی»ی فەرەنسا، ھەتا ئێستا ناسنامەی ئەنجامدەرانی ئەم هێرشە و پاڵنەریان بۆ ئەم کارە نادیارە.
