وتەبێژی وەزارەتی دەرەوەی ئەمریکا بۆ دەربڕینی نارەزایەتی بە شەڕی غەززە، لەپۆستەکەی کشایەوە
وتەبێژی عەرەب زمانی وەزارەتی دەرەوەی ئەمریکا بۆ دەربڕینی ناڕەزایەتی بە سیاسەتەکانی کۆشکی سپی بەدژ غەززە، دەستی لەکارکێشایەوە.
"هالە غەریت" وتەبێژی عەرەب زمانی وەزارەتی دەرەوەی ئەمریکا بۆ دەربڕینی ناڕەزایەتی بە سیاسەتەکانی حکومەتی "جۆ بایدن" سەرۆک کۆماری ئەو وڵاتە لەهەمبەر غەززەدا، لە پۆستەکەی کشایەوە.
یاریدەری بەڕێوەبەری ناوەندی میدیا ناوچەییە عەرەب زمانەکانی ئەمریکا کە نزیک بە دوو دەیە لەو وەزارەتخانە کار دەکا، سەبارەت بە هۆکاری دەست لەکارکێشانەکەی وتی: لە ئاڤریلی٢٠٢٤پاش ١٨ساڵ خزمەتی بەرچاو، بۆ دەربڕینی نارەزایەتی بە سیاسەتی حکومەتی ئەمریکا لە غەززە دەستم لەکارکێشایەوە.
بەرلەوەش، سێ بەرپرسی ئەمریکی، "ئانیل شیلین" بەرپرسی پەیوەندییە دەرەوەییەکان لە نووسینگەی دیموکراسی، مافی مرۆڤ و کاری ئەمریکا، "جاش پۆل" بەرپرسی کاروباری سیاسەتی و چاودێریی وەزارەتی دەرەوەی ئەمریکاو"تارق حەبەش"ی یاریدەری تایبەتی سەرۆک کۆماری ئەمریکا لە وەزارەتی پەروەردەو خوێندنی ئەو وڵاتە بۆ دەربڕینی ناڕەزایەتی بە پشتگرییەکانی ئەمریکا لە رژێمی زایۆنیستی لە غەززە، لە پۆستەکانیان کشابوونەوە.