بەڕێوەبەری گشتیی کۆمپانیای گازپرۆمی ڕووسیا ڕایگەیاند: ئەوروپا بەردەوامە لە تۆمارکردنی کەمترین پاشەکەوتی گاز لە سەروبەندی وەرزی زستاندا.

بەڕێوەبەری گشتیی کۆمپانیای گازپرۆمی ڕووسیا ڕاشیگەیاند: وڵاتانی ئەوروپایی لە سەروبەندی وەرزی سەرما و سۆڵەدا خەریکن نزمترین ئاستی مێژوویی پاشەکەوتی گاز بە خۆیانەوە دەبینن.  ئەلێکسی مێلەر وتیشی: پاشەکەوتی گازی ئەوروپا ئێستایش هەر لە نزمترین ئاستی خۆیدایە و ڕوونیشیکردەوە: ڕادەی پڕبوونی کۆگاکانی پاشەکەوتی گازی ئەوروپا کەمترە لە ٧٢%  کە ئەمەش بە بەراورد بە ساڵی ڕابردوو ١١ ملیار  و ٣٠٠ ملوێن مەتری سێجا کەمیکردووە. ئەمەش لە کاتێکدایە کە وڵاتانی ئەوروپایی دوای وەستانی هاوردەکردنی گاز لە ڕووسیاوە و پەککەوتنی ناردنی بار لە ڕۆژهەڵاتی ناوەڕاستەوە توانای زیاترکردنی پاشەکەوتیان بۆ نەماوە.