دەستپێکرانی گەڵاڵەی ئاسایشی هەڵبژاردن لە ئێراق
بە دەستپێکرانی ئامادەبوونی تۆکمەوتەواوی هێزی سەربازی و ئاسایشیی ئێراق، گەڵاڵەی تایبەتی ئاسایشیی دابین کردنی ئاسایشی هەڵبژاردنی ئەم وڵاتە، دەستی پێکرا .
بەپێی ڕاپۆرتی ئیرنا، سەرچاوەیەکی ئاسایشی لە ئێراق باسی دەستپێکرانی گەڵاڵەی ئاسایشی و گەیشتنی هەموو هێزی سەربازی و ئاسایشی ئەم وڵاتەی کرد بۆ قۆناخی ئامادەبوونی تۆکمەوتەواو هەتا کۆتایی هەڵبژاردن.
هەرلەم حاڵەدا سەعد مەعن وتەبێژی وەزارەتی ناوخۆی ئێراق و وتەبێژی ئەرکانی ئۆپراسیۆنی بەغداش بەرلەمە باسی ئامادەیی ئاسایشی بۆ دابین کردنی ئاسایشی هەڵبژاردنی پەرلەمانی ئەم وڵاتەی کرد بوو لە ڕۆژی دوازدەی مانگی مەی و تبووی هاواهەنگی باش کراوە لەگەڵ کۆمیسیۆنی باڵای هەڵبژاردن .
هەڵبژاردنی پەرلەمانیی ساڵی 2018ی ئێراق، یەکەم هەڵبژاردنی ئەم وڵاتە دوای شکستی تاقمی تیرۆریستیی داعش و دووهەمین هەڵبژاردن دوای کشانەوەی ئەمریکا لە ئێراق لە ساڵی 2011 دێتە ئەژمار.
حەوت هەزارو 367 بەربژاری هەڵبژاردن لە هەژدە پارێزگەی ئێراقەوە بۆ بەدەست هێنانی 329 کورسی پەرلەمانی ڕکابەری یەکتر دەکەن هەتا دوای هەڵبژاردنی ئەندامانی پەرلەمان، بواری هەڵبژاردنی سەرۆک وەزیران و سەرۆکی ئەم وڵاتە ش دەستەبەر بێت .
بەپێی ڕاگەیەندراوی کۆمیسیۆنی هەڵبژاردنی ئێراق ، تەبیلیغاتی هەڵبژاردنی ئەم وڵاتە کەلە ڕۆژی چواردەی ئاڤریلی ڕابردووەوە دەست پێکراوە ، بیست و چوار کاتژمێر بەرلە دەستپێکرانی دەنگ وەرگرتن کۆتایی پێ دێ.
هەڵبژاردنی پەرلەمانیی ئێراق ڕۆژی دوازدەهەمی مانگی مەی بەڕێوە دەچێت .
