هێرشی داعش بۆ سەر بەغدا ، 11 کەس کوژران
چەکدارانی داعش هێرشیان کردووەتە سەر هێزەکانی "سەحوە" و سوپای عێراق لە ناوچەی ریزوانیە لە رۆژئاوای بەغدای پایتەخت و بەهۆیەوە 5 ئەندامی هێزە ئەمنییەکان و 6 هاوڵاتی مەدەنی کوژراون.
بە پێی ڕاپۆرتی ئاژانسی هەواڵی مێهر، هێرشەکەی شەوی رابردوو لەرێگەی بۆمبی دەستی و چەکدارییەوە گردبوونەوەیەکی هاووڵاتیانی بۆ پشتیوانی هێزە ئەمنییەکان و تاوەرێکی سەر بە سوپای عێراقی لە ناوچەی ریزوانیە لە رۆژئاوای بەغدای پایتەخت کردوەتە ئامانج.
ئاماژەی بەوەشکردووە، هێرشەکە لەلایەن چەکدارانی داعشەوە ئەنجامدراوە و نازانرێت سەرچاوەی هێرشەکە و شوێنەکەی لەکوێوە بووە، بەڵام هێزە ئەمنییەکان گەیشتونەتە شوێنەکە و دۆخی ئەمنی ناوچەکە لەئێستادا کۆنتڕۆڵکراوە.
لەرووداوێکی هاوشێوەدا دوێنێش چەکدارانی نەناسراوە هێرشیانکردەسەر تاوەرێکی چاودێری سوپای عێراق و هێزەکانی سەحوە لە ناوچەی رزوانیە لە رۆژئاوای بەغدا.
