گەییشتنی سێھەمین کاروانی لەشکریانی ئەمریکی لە سووریاوە بۆ عێراق
تشرینی دووه‌م 19, 2020 16:32 Asia/Tehran
سێھەمین کاروانی لەشکریانی ئەمریکی داگری کۆمەڵێک ترۆمبیل و تانکەر لە سووریاوە ئاودیوی عێراق کران.
بە پێی ڕاپۆرتی ھەواڵدەریی فەرمیی سووریا«سانا»، سەرچاوە خۆجێییەکان ڕایانگەیاند کە ھێزەکانی ئەمریکی ئەمڕۆ پێنج شەممە کاروانێکی تازەی داگری ٣٠ ترۆمبیل و تانکەرو گەڵابەی سارنجۆک داریان لە بنکەکانیان لە ناوچەی «جزیرە» و لە ڕێگای بوارگەی نایاسایی «ئەلوەلید»ی سووریا گواستووەتەوە بۆ نێو خاکی عێراق.
ڕۆژی سێ شەممەش کاروانێکی داگری لانیکەم ٦٠ گەڵابەی ھەڵگری کەرەستەو چەک و چۆڵ و ھێندێک تانکەری نەوت و گەڵابەی ھێزەکانی ئەمریکی لە ڕێگای ھەر ئەم بوارگەیەوە ئاودیوی عێرڕاق کراون.
یەکشەممەی ڕابردووش ھێزەکانی ئەمریکی لە سووریا داگری ٥٠ زرێپۆش و تانک ڕەوانەی عێراق کران.
