جەختی کازمی لە سەر داکۆکیی عێراق لە گەلی فەلەستین
سەرۆک وەزیرانی عێراق پێی داگرت: دەوڵەتن و گەلی ئەم وڵاتە لەگەلی فەلەستین پشتیوانی و داکۆکی دەکات.
بە پێی ڕاپۆرتی ئیرنا،«مستەفا کازمی» سەرۆک وەزیرانی عێراق شەوی ھەینی لە دیداری «جبرەئیل ڕەجوب» ناردراوی «مەحمود عەبباس» سەرۆکی پێکھاتەی خۆبەڕێوەبەری فەلەستین و سکرتێری لێژنەی کارگێڕیی بزوتنەوەی «فەتح» لە بەغدا وتی: کێشەی فەلەستین جێگای لە ویژدان و ناخی عێراق دایە و بوونی کاتیی فەلەستینییەکان لە عێراق بە مەبەستی دابین کرانی مافی گەڕانەوەیان بۆ نیشتیمانی خۆیان و دیاری کرانی چارەنووسیان لە وڵاتەکەیاندایە.
«ڕەجوب»یش لە دیدارەکەدا ستایش و پێزانینی ڕێبەرانی فەلەستینی لە بەر ئەو ھەڵوێستەی عێراق لەمەڕ داکۆکی کردن لە کێشەی فەلەستین گەیاندە کازمی و نامەکەی «مەحمود عەبباس»یشی ئاراستە کرد.
بە پێی ئەم ڕاپۆرتە، کازمی و ڕەجوب لەم دیدارەدا ڕەوشتی ناوچەکە، پەیوەندیی دوو لایەنە و چالاک کردنی لێژنەی وەزیرانی ھاوبەش و بەڕێوە بردنی کۆبوونەوەکانیان بە زووترین کاتیان تاوتوێ کرد.
ڕەجوب بەرلەمەش لەگەڵ «بەرھەم ساڵح» سەرۆک کۆماری عێراق دیدارو وتووێژی کرد بوو.
