کوژرانی ١٢ تیرۆریستی داعش لە ئۆپراسیۆنی ھێزەکانی ئاسایشتی عێراق
کانونی یه‌که‌م 22, 2020 18:47 Asia/Tehran
ھێزەکانی ئاسایشتی عێراق بە ئەنجام دانی ئۆپراسیۆنێک لە ڕۆژئاوای شاری موسڵ ١٢ تیرۆریستی داعشیان لەنێو برد.
بە پێی ڕاپۆرتی کەناڵی دیجلە، ھێزەکانی یەکەی دژەتیرۆر بە ھاوبەشیی ھێزی ئاسمانیی سوپای عێراق بە یانیی ڕۆژی سێ شەممە مۆڵگەی تیرۆریستانی داعشیان لە ناوچەی «بادۆش» لە شاری موسڵ بوردومان کرد.
ھێزەکانی سوپای عێراقیش لە یەکم ڕۆژانی قۆناغی چوارەمی ئۆپراسیۆنی «وەعدەی سادق» لە شاری بەسرە توانییان چوار ئەندامی تاقمی تەکفیریی داعش قۆڵبەست کەن.
سەرکردایەتیی ھەڵمەتی ھاوبەشی عێراق ڕۆژی شەممەش باسی کوژرانی پێنج تیرۆریستی داعشی کرد لە ئۆپراسیۆنی دژە تیرۆری ھێزە چەکدارەکانی ئەم وڵاتە لە ناوچە جۆربەجۆرەکانی عێراق.
