گه‌وره‌ترین پلانى تیرۆریستى لە به‌غدا پوچه‌ڵکرایه‌وه
ئادار 07, 2021 18:14 Asia/Tehran
فه‌رمانده‌ى هێزه هاوبه‌شه‌کان له‌به‌غدا ئاشکرایکرد، به‌پشتبه‌ستن به‌کۆمه‌ڵێک زانیارى هه‌واڵگرى توانیان به‌غداى پایته‌خت له‌گه‌وره‌ترین پلانى تیرۆرستى بپارێزن و پلانه‌که پوچه‌ڵبکه‌نه‌وه.
لیوا ته‌حسین خه‌فاجى وته‌بێژى هێزه هاوبه‌شه‌کانى به‌غدا به میدیا عێراقیه‌کانى ڕاگه‌یاندوه، به زانیارى دروست و پشتڕاستکراوى هه‌واڵگرى توانیویانه گه‌وره‌ترین کرده‌وه‌ى تیرۆرستى بۆ به ئامانج گرتنى به‌غداى پایته‌خت پوچه‌ڵ بکه‌نه‌وه.
ناوبراو ئه‌وه‌شى خستۆته‌ڕوو، توانیویانه له تارمیه له کرده‌وه‌یه‌کى ئه‌منى و سه‌ربازیدا به‌شێک له‌و تیرۆرستانه‌ى که پلانى ئه‌و کاره‌یان دانابوو بکوژن و به‌شێکى تریان ده‌ستگیربکه‌ن.
له مانگى یه‌کى ئه‌مساڵ له دوو کرده‌وه‌ى تیرۆرستیدا له باب شێخ و ساحه‌ى ته‌یرانى به‌غدا ده‌یان هاووڵاتى عێراقى کوژران و برینداربوون .
