ھەڵمەتی هاوبەشی پێشمەرگە و سوپای عێراق لە سنووری قەزای کفری
حوزه‌یران 07, 2021 15:56 Asia/Tehran
وەزارەتی پێشمەرگەی ھەرێمی کوردستان رایگەیاند" لەئەنجامی ھەڵمەتی هاوبەشی نێوان هێزی پێشمەرگە و سوپای عێراق بە پاڵپشتی ھێزی هاوپەیمان، چەندین بنکەی داعش خاپور کران و سێ ئۆتۆمبێل سوتێنراون".
سەنتەری میدیای وەزارەتی پێشمەرگەی حکومەتی هەرێمی کوردستان لە ڕاگەیەندراوێکدا رایگەیاند" ڕۆژی ٦ی حوزەیران ئۆپەراسیۆنێکی هاوبەش لەنێوان هێزەکانی پێشمەرگە و هێزێکی سوپای عێراقی، بە پاڵپشتی هێزەکانی هاوپەیمانان ئەنجامدرا، لە گوندەکانی پەلکانە و قۆریچایی لە سنووری نێوان قەزای کفری و خورماتوو".
ئاماژەی بەوەشکردوو، لە ئۆپەراسیۆنەکەدا سێ ئۆتۆمبێل سووتێنران و چەندین بنکەی تیرۆریستان خاپوور کران.وەزارەتەکە باسی لەوەشکردووە، ئامانج لەو ئۆپەراسیۆنە دوورخستنەوە و لەناوبردنی تیرۆریستانە لەو ناوچانە.
