سەرچاوە عێراقیەکان باسی دەسپێکی ھەڵمەتێکی بەرفروانی ئاسایشی دەکەن بۆ راوەدوونانی داعش لە پارێزگەی سەلاحەدین .

بە پێی راپۆرتی ھەواڵدەریی ئیسنا ، ناوەندی میدیای ئاسایشیی عێراق ئەمڕۆ دوشەممە لە بەیاننامەیەک دا رایگەیاند ، ئەم ھەڵمەتە ئاسایشیە بە بەشداریکردنی ھێزەکانی ئەرتەشی عێراق و حەشدی شەعبی بۆ راوەدونانی تیرۆریستانی داعش و بە ئامانجی بەھێزکردنی ئاسایش و سەقام لە پارێزگەی سەلاحەدینی باکووری وڵات دەسپێبوو . 

 لەم بەیاننامەیەدا ھاتووە ، ئامانج لەم ھەڵمەتە پاکتاوکردنی چیای حەمرین ، مەیادین عەجیل ، عەلاس و مەکحکول تا سنوورەکانی کەرکوکە . 

  سەرباری شکستی ھێنانی گروپی تیرۆریستیی داعش لە عێراق ، پاشماوەکانی ئەم تیرۆریستانە ئێستاش لەم وڵاتەدا ماون .