کازمی ده‌بێته یه‌که‌م سه‌رۆک سه‌ردانی ئێران بکات
ئه‌یلوول 11, 2021 14:41 Asia/Tehran
بڕیاره سبەی یه‌کشه‌مە سه‌رۆک وه‌زیرانی عێراق به سه‌ردانێکی فه‌رمی و شاندێکی باڵای حکوومه‌ته‌وه بگاته تارانی پایته‌ختی کۆماری ئیسلامیی ئێران و له‌گه‌ڵ به‌رپرسانی ئه‌و وڵاته کۆ ببێته‌وه.
ده‌زگاکانی ڕاگه‌یاندن له‌سه‌ر زاری سه‌رچاوه‌یه‌کی وه‌زاره‌تی ده‌ره‌وه‌ی عێراق گواستیانه‌وه: سه‌ردانه‌که‌ی مسته‌فا کازمی سه‌رۆک وه‌زیرانی عێراق له‌گه‌ڵ شاندێکی گه‌وره و باڵای وه‌زاره‌ته‌کان ده‌بێت بۆ ئێران.
به‌مه‌ش کازمی ده‌بێته یه‌که‌م سه‌رۆک وه‌زیرانی وڵاتان سه‌ردانی ئێران بکات دوای وه‌رگرتنی ده‌سه‌ڵات و پێکهێنانی کابینه‌ی نوێی حکوومه‌تی ئێران له‌لایه‌ن ئیبراهیم ڕه‌ئیسییه‌وه.
سه‌رۆک وه‌زیرانی عێراق پێشتر ڕایگه‌یاندبوو دوای پێکهێنانی کابینه‌ی نوێی حکوومه‌تی ئێران سه‌ردانی ئه‌و وڵاته ده‌کات و له‌گه‌ڵ بەرپرسان کۆده‌بێته‌وه.
