وەزارەتی بەرگریی عێراق: زیاتر لە 250 هەزار هێزی سەربازیی، ئاسایشی هەڵبژاردنەکان دابین دەکەن
تشرینی یهکهم 04, 2021 08:34 Asia/Tehran
وەزارەتی بەرگریی عێراق ڕایگەیاند زیاتر لە 250 هەزار کەس لە هێزە سەربازییەکان بەرپرسیارێتی دابینی ئاسایشی دەنگدان لە سەرتاسەری ئەو وڵاتەیان لە ئەستۆیە.
وەزارەتی بەرگری عێراق لە سەروبەندی بەریوەچوونی هەڵبژاردنەکانی پەرلەمانی پیشوەختە ڕایگەیاند زیاتر لە 250 هەزار کەس لە هێزە سەربازی و ئەمنییەکان بەرپرسی پاراستنی ئاسایشی هەڵبژاردنەکانن.
بە گوێرەی ئەم ڕاپۆرتە، وەزارەتی بەرگری عێراق هەروەها ڕایگەیاند کە ئەو هێزانە لە هەموو ناوەندەکانی دەنگدان جێگیر دەبن. ئەو وەزارەتخانی جەختی کردووە کە لە ڕوژی بەڕێوەچوونی هەڵبژاردنەکان قەدەغەی هاتوچۆ ڕاناگەیێندرێت.
وەزارەتی بەرگری عێراق لە درێژەدا وتیشی: هەموو هێزە ئەمنییەکان لە حاڵی ئامادە باشیدان و یەکینەکانی بەرەنگار بوونەوەی تیرۆریزم و هێزە تایبەتەکانیش لە ئامادەیی تەواودان.
