هادی عامری سەردانی هەرێمی کوردستان دەکات
ڕێبەری هاوپەیمانیی فەتح دوای دیدار لەگەڵ ڕێبەری ڕەوتی سەدر، بە مەبەستی دیدار لەگەڵ بەرپرسانی هەرێمی کوردستان دەچێتە هەولێر.
بە پێی ڕاپۆرتی فورات نیوز، هادی عامری رێبەری هاوپەیمانیی فەتح دوای دیدار لەگەڵ ڕێبەری ڕەوتی سەدر لە شاری نەجەف بە مەبەستی دیدار لەگەڵ بەرپرسانی هەرێمی کوردستان دەچێتە هەولێر.
بە گوێرەی ئەم ڕاپۆرتە، هادی عامری دەیەوێت لەو سەفەرەدا لەگەڵ مەسعوود بارزانی سەرۆکی پارتی دیدار و گفتوگۆ بکات. عامری لەو دیدارەدا سەبارەت بە پرسەکانی هاوپەیمانی بۆ پێکهێنانی حکومەت لەگەڵ بەرپرسانی هەرێم گفتوگۆ بکات.
ڕێبەری هاوپەیمانی فەتح پێشتر چووبووە دیداری موقتەدا سەدر لە نەجەف.
ئەمە لە حاڵێکدایە کە دادگای فیدراڵی عێراق ڕۆژی پێنجشەممە لە حوکمێکدا چالاکییەکانی دەستەی سەرۆکایەتی هەڵبژێردراوی پەرلەمانی بە شێوەی کاتی هەڵپەسارد.
ئەو حوکمە دوای ئەوە دەرکرا لە پێشتر شاندی هاوئاهەنگی شیعەکانی عێراق هەڵبژاردنی محەمەد حەلبووسی وەکوو سەرۆکی پەرلەمانی نایاسایی ڕاگەیاند و لەلای دادگای فیدراڵی سکاڵای بەرزکردەوە .
