SAHAR

 شەوی رابردوو بنکەیەکی سەربازیی تورکیا بەناوی "زەلیکان" لە بەعشیقە لە پارێزگای نەینەوا لە باکووری عێراق لەلایەن فڕۆکەیەکی بێفڕۆکەوانەوە پێکرا .

بەعشیقە یەکێکە لەو ناوچانە لە باکوری عێراقە کە لە ماوەی ساڵانی ڕابردوودا هێزەکانی داگیرکەری تورکیا تێیدا جێگیر بوونە . 

کەناڵی  دەنگوباسی سابرینی عێراق شەوی شەممە بڵاویکردەوە، لانیکەم شەش خۆفڕی نەناسراو بنکەی داگیرکەرانی تورکیایان لە بەعشیقە کردووەتە ئامانج.

بەپێی راپۆرتەکە، دوای هێرشی فڕۆکە خۆفڕەکان، چڕەدوکەڵ و ئاگر لە بنکەی "زێلیکان"ەوە بەرزبووەتەوە.

هەندێک لە سەرچاوەکان باسیان لەوە کردووە کە لە هێرشەکەدا لانیکەم دوو سەربازی تورکیا و بەڵێندەرێکی سوپای ئەم وڵاتە  کوژراون.

پێشتریش چەندین جارهێرش کراوەتە سەر ئەو بنکەیە.