حەشدی شەعبی: ئەمریکا ڕێگرە لە بەردەم یارمەتیی عێراق بە حەشدی شەعبی
سەرکردەیەکی ھێزەکانی حەشدی شەعبی پێی داگرتووە: ئەمریکا ڕێگرە لە بەردەم ھەرچەشنە پشتگرییەکی سەربازیی دەوڵەتی عێراق بە حەشدی شەعبی.
بە پێی ڕاپۆرتی ڕۆژی چوارشەممەی «ئەلموسلە»، «عەبدوڵڵا زیادی» لە سەرکردەکانی حەشدی شەعبی وتوویەتی: لایەنی ئەمریکی ڕێگرە لە بەردەم ھەرچەشنە پشتگرییەکی ڕاستەوخۆی دەوڵەتی عێراق بە ھێزەکانی حەشدی شەعبی و ڕێگا بە فڕۆکەکانی ڕژێمی زایونی دەدات ئامانجەکانی ئەم ھێزە جەماوەرییە لە عێراق د ا بوردومان کەن.
زیادی وتیشی: تورکیاش ھەر ھەڕەشەیەکی ئاسایشتیی گەورەیەو ئانکارا پشتگریی تیرۆریستانی داعش دەکات و ئێمە لە ئەنجامی ڕاپێچ کردنی ئەو تیرۆریستانە لەو بابەتە دڵنیا بووین.
ئەم سەرکردەیەی ھێزە جەماوەریەکانی عێراق وتووشیەتی: تیرۆریستانی داعش لە سەلاحەددین پەیوەندیی ڕاستەوخۆیان لەگەڵ تورکیادا ھەیە بۆ پێکەوە نوساندنی ئاڵقەی تیرۆریستان لە لیبی و عێراق و سووریا بۆ ئامانجەکانی ئانکارا.
