سه‌ردانی وه‌زیری ته‌ندروستیی ئێران بۆ ناوه‌ندی پزیشکیی ئێران له شاری کازمەین
وەزیری تەندروستی و دەرمان و پەروەردەی پزیشکیی ئێران سەردانی ناوەندی پزیشکیی مانگی سووری کۆماری ئیسلامی ئێرانی کرد له شاری کازمەین و هەوڵی کارمەندانی ئەم ناوەندەی بەرز نرخاند.
بەپێی ڕاپۆرتی ڕۆژی یەکشەممەی هەواڵدەریی ئێران پرێس؛ «بەهرام عەینوڵڵاهی» وەزیری تەندروستی و دەرمان و پەروەردەی پزیشکیی ئێران، سەردانی ناوەندی پزیشکیی مانگی سووری کۆماری ئیسلامیی ئێرانی کرد لە شاری کازمەین و هەوڵی هێزەکانی ئەم ناوەندەی لە پێشکەشکردنی خزمەتگوزاریی جیهادی و دڵسۆزانە بۆ زیارەتکارانی ئەربەعین، بەرز نرخاند.
لەم سەردانەدا وەزیری تەندروستیی ئێران گفتوگۆی لەگەڵ ئەندامانی ئامادەبووی ئەم ناوەندە دەرمانییە کرد و سوپاس و دەستخۆشی لێکردن بۆ پێشکەشکردنی خزمەتگوزاریی تەندروستی و پزیشکیی باش بۆ زیارەتکارانی ئەربەعین.
«بەهرام عەینوڵڵاهی» هەروەها چالاکیی زیاتر لە چوار هەزار کارمەندی تەندروستیی لە سنوورە هاوبەشەکان لەگەڵ عێراق دا بەرز نرخاند.
