سودانی: بەردەوامین لە سەر پەرەدان بەهاوکاریی دووقۆڵی لەگەڵ ئێران دا
سەرۆک وەزیرانی عێراق ،وێڕای بە ئەرینی زانینی ئەنجامەکانی یەکەمین سەفەری فەرمیی خۆی بۆ ئێران دوای دیاری کرانی بۆ ئەم پۆستە، خوازیاری پەرە پێ دانی هاوکاریی دوو قۆڵی لەگەڵ ئەم وڵاتە بوو.
«محەممەد شیاع سودانی» سەرۆک وەزیرانی عێراق رۆژی چوارشەممە دوای زیارەتی مەزارگەی پیرۆزی حەزرەتی عەلی ئیبنی موسەڕڕەزا(ع) لەمەشهەدی پیرۆز، کۆتایی بە یەکەم سەردانی فەرمیی خۆی بۆ ئێران ھێنا.
سودانی دوای گەڕانەوەی بۆ بەغدا لە توییتێکدا نووسی، وتووێژی جیددیمان ھەبوو لەگەڵ حەززرەتی ئایەتوڵڵا خامنەیی ڕابەری مەزنی شۆڕشی ئیسلامی و هەروەها لەگەڵ کاربەدەستانی دیکەی ئێران .
سەرۆک وەزیرانی عێراق وتیشی، چاومان بڕیوەتەوە هاوکاریی دوولایانەی زیاتر بەمەبەستی بردنە پێشەوەی دۆسییەکانی ئاسایشی، ئابووری ،ڕۆشنبیری و گەشتیاریی دینی لەگەڵ کۆماری ئیسلامیی ئێران.
عێراق لە نێو وڵاتانی عەرەبی ڕۆژئاوای ئاسیا، زۆرترین پەیوەندیی فەرهەنگی و ئایینی لەگەڵ ئێران دا هەیە.
بوونی درێژترین سنوور لە نێوان دراوسێکان واتە (نزیکەی 1258 کم سنووری وشکانی و 351 کم سنووری ئاوی)، پەیوەندی ڕەگەزی، مێژوویی، زمانەوانی، هاوبەشیی ئایینی و بوونی هەڕەشە و بەرژەوەندیی هاوبەشی ئەمنی و ئابووری لە ڕیزی ئەو خاڵە گرنگانەی پەیوەندییەکانی نێوان ئێران وعێراق دێنە ئەژمار.
