یونسێف: له هه‌ر پێنج منداڵێكی عێراق دوانیان له‌ژێر هێڵی هه‌ژاریدان
رێكخراوی یونسێف رایده‌گه‌یه‌نێت، له هه‌ر پێنج منداڵێكی عێراق، دوانیان له‌ژێر هێڵی هه‌ژاریدان.
رێكخراوی یونسیێف له‌دوایین راپۆرتی كه له‌سه‌ر دۆخی منداڵانی له‌عێراق ئاماده‌ی كردووه رایگه‌یاندووه، منداڵانی عێراق له‌بارودۆخێكی ئابووری سه‌ختدا ده‌ژین و له هه‌ر پێنج منداڵێك دوانیان له‌ژێر هێڵی هه‌ژاریدان، بۆ په‌یداكردنی بژێوی خێزانه‌كانیان ناچارن كاربكه‌ن.
به‌ڕای قوسه‌ی عه‌باس جێگری سه‌رۆكی لیژنه‌ی مافی مرۆڤی په‌رله‌مانی عێراق، كاركردنی منداڵان جێگه‌ی نیگه‌رانییه و پێویسته ئه‌م دیارده‌یه نه‌مێنێ و كاركردن به منداڵان به تاوان بناسێنرێت.
راپۆرته‌كه‌دا پێیوایه، به‌كارهێنانی منداڵان بۆ كاركردن، پێشێلكاری مافه‌كانی منداڵه و پێویسته حكومه‌ت رێوشوێنی یاسایی له‌دژی ئه‌وانه بگرێته‌به‌ر كه كار به‌منداڵان ده‌كه‌ن، بۆیه ده‌بێت به یاسا رێگری له‌م دیارده به‌ربڵاوه‌ی سه‌ر شه‌قامه‌كان بكرێت و ژیانی منداڵان پارێزراوبێت.
