جەختکردنەوەی «مەقتەدا سەدر» لەسەر بایکۆتی هەڵبژاردن و ڕادەستکردنی چەک بە حکوومەت
سەرۆکی ڕەوتی سەدری عێراق لە کاتی جەختکردنەوەی دووبارە لەسەر بایکۆتی هەڵبژاردنی پەرلەمانی، داوای «ڕادەستکردنی چەک بە حکوومەت و هەڵوەشاندنەوەی گروپە ملیشیاکان»ی کرد لەم وڵاتەدا.
موقتەدا سەدر، سەرۆکی ڕەوتی سەدری عێراق لە پەیامێک لە تۆڕە کۆمەڵایەتیەکاندا نووسی: هەر کەسێک دەیەوێت (هەڵبژاردنی پەرلەمانی) بایکۆت بکات یان بۆ ویستی لەسەر دەسەڵات ، ڕێگەیەکی تر هەڵبژێرێت. هەروەک چۆن مەولای من و مەولای هەر پیاو و ژنێکی ىڕوادار (ئیمامی عەلی) فەرمووی: سوێند بە خوای گەورە ئەم (پێڵاوە)م زیاتر لە حکوومەت لەسەر ئێوە پێ خۆشە، مەگەر ئەوەی بەم هۆیەوە حەقێک بەرپا بکەم یان بەتاڵێک بسڕمەوە.
موقتەدا سەدر جەختی کردەوە: حەق هەرگیز بەرپا نابێت و بەتاڵ ناسڕدرێتەوە مەگەر بە ڕادەستکردنی چەکی نایاسایی بە حکوومەت، هەڵوەشاندنەوەی میلیشیاکان، هەوڵدان بۆ بەهێزکردنی سوپا و پۆلیس و سەربەخۆیی عێراق و ڕێگری کردن لە وابەستە بوونی و هەوڵی بەرفراوان بۆ چاکسازی و لێپرسینەوەی گەندەڵکاران.
