گەنجێکی پیرانشاریی لەگەڵ یانەی ئیستقلالی تاران گرێبەستی واژۆ کرد
تشرینی دووه‌م 01, 2020 09:39 Asia/Tehran
گەنجێکی ١٩ ساڵانی پیرانشاری بە ناوی " فەردین ڕابت" خەڵکی شاری پیرانشار گرێبەستێکی پێنج ساڵەی لەگەڵ یانەی ئیستقلالی تاران واژۆ کرد.
بە پێی ڕاپۆرتی ئاژانسی هەواڵی مێهر، فەردین ڕابت، گەنجی پیرانشاری کە سەردەمانێک بۆ دابین کردنی بژێوی ژیانی ڕووی لە کۆڵبەری کردبوو، ئێستا بە هەوڵ و تێکۆشانێکی زۆر توانیویە گرێبەستێکی پێنج ساڵە لەگەڵ یەکێک لە گەورەترین یانەکانی خولی نایابی ئێران واتا ئیستقلالی تاران واژۆ بکات.
شیاوی باسە کە فەردین ڕابت لەدایک بووی ١٣٨٠ی هەتاوی(2001) لە شاری پیرانشارە و توانیویە بە هەوڵ و تەقەلایەکی زۆر بگاتە ئەو پێگەیە.
