یانەی تۆپی پێی پرسپۆلیسی ئێران کە بۆ دوھەمین جار لە سێ ساڵی رابردوودا گەیشتبۆ فیناڵی پێشبڕکێکانی پاڵەوانانی ئاسیا ، دیسان لە گەیشتن بە پاڵەوانەتیی ناکام مایەوە و نەگەیشتە جام .

یاری فیناڵی ھەژدەھەمین خولی یاریەکانی تۆپی پێی لیگی پاڵەوانانی ئاسیا کە سی و نۆھەمین فیناڵی نێوان یانەکانی ئاسیا بوو لە کاژێر 15:30 ئەمڕۆ شەممە بەکاتی تاران ( 15:00بە کاتی ھەولێر)  بە نێوبژیڤانیی عەبدوڕەحمان ئیبراھیم لە قەتەر لە یاریگەی ئەججنوب ی دەوحەی قەتەر دەسپێبوو کە ئەم یاریە بە باڵادەستیی دوو بە یەکی یانەی ئۆڵسان کۆتایی ھات .

مەھدی عەبدی لە خولەکی 45 دا بۆ پرسپۆلیس گۆڵی لێدا و جۆنیۆر بە دوو گۆڵی پێناڵتی(3+45 و 55)  بۆ ئۆڵسان گۆڵی لێدا .