کلاسیکۆی باله‌ی عیراق ، ئەمڕۆ لە سلێمانی
کانونی دوھەم 10, 2021 15:16 Asia/Tehran
له گه‌ڕی کۆتایی قۆناغی یه‌که‌م خولی نایابی تۆپی باله‌ی عیراق، ئه‌مڕۆ یه‌کشه‌ممه یارییه‌کی به‌هێز له شاری سلێمانی به‌ڕێوه‌ده‌چێت.
سه‌عات 4ـی پاشنیوه‌ڕۆی ئه‌مڕۆ 10-1-2021 له‌نێو هۆڵی داخراوی یانه‌ی پێشمه‌رگه‌ی سلێمانی، تیپی خاوه‌ن هۆڵ میوانداری یانه‌ی شورته ده‌کات.
یارییه‌که به کلاسیکۆی باله‌ی عیراق ناسراوه‌و هه‌ردوو یانه رکابه‌رێکی چه‌ندین ساڵه‌ی یه‌کترن.پێشمه‌رگه‌ی پاڵه‌وانی وه‌رزی ڕابردوو سه‌رکه‌وتنی بۆ قۆناغی داهاتوو مسۆگه‌ر کردووه ئه‌گه‌ر چی له 5 یاری ڕابردووی تووشی شکستێک هاتووه، له به‌رامبه‌ردا شورته به پێنج بردنه‌وه‌ی له‌سه‌ریه‌ک پێشه‌نگی کۆمه‌ڵه‌که‌یه‌تی.
