بە کۆبەندی خاڵەکانی لیگی نێو دەوڵەتیی سکی ئالپاینی ئێران، عاتفە ئەحمەدی و حسەین ساوە شمشەکی توانیان پشکی یارییەکانی ئۆلەمپیکی زستانی ٢٠٢٢ـی پکەین دەستبخەن.

 حسەین ساوە شمشەکی بە خاوەنداریی باشترین پووئەنی فیز( پشکی جیهانی) لە کۆتایی ڕکابەریەکانی هەڵبژاردەی ئۆلەمپیکی زستانی توانی وەک نوێنەری سکی ئالپاینی پیاوان لە ئۆلەمپیکی زستانی هەڵبژێردرێت.

 پێش لە ساوە شمشەکی، عاتفە ئەحمەدی لە بەشی سکی ئالپاینی ئافرەتان وسەید سەتارسەید لە بەشی سکی ساراپێوان توانیبوویان پشک دەستبخەن.

ساوە شمشەکی بەرلەمەیش توانیبووی لە چەند خولی یارییەکانی ئۆلەمپیکی زستانی دا ئامادەبێت و لە ساڵی ٢٠١٤ ئاڵاهەڵگری کاروانی ئێران بێت.

 یارییەکانی ئۆلەمپیکی زستانی ٢٠٢٢ لە ١٥ـی ڕێبەندانی ئەمساڵ لە شاری پیکەن لە چین دەستپێدەکرێت. ئێران لە ٢ بەشی  وەرزشڤانانی ئۆلەمپیکی و پارا ئۆلەمپیکی وەرزشڤانانی خۆی بۆ ئەم خولەی ئێرانیەکان بەڕێدەکات.

 بڕیارە ٦ وەرزشڤانی پارا ئۆلەمپیکی یش بەڕێ بکرێن بۆ ئەم خولەی یارییەکان.