بەرهەمە میدیاییەکانی ئێران لە سێزدەهەمین فێستیڤاڵی نێودەوڵەتی میدیایی غەدیر لە عێراق لە چەند بەشێک دا هەڵبژێردران.

 سێزدەهەمین فێستیڤاڵی نێودەوڵەتی میدیای غەدیر لە شاری بەغدای پایتەختی عێراق کۆتایی هات.
لەم چالاکییەدا زیاتر لە ١٨٠ دامەزراوەی میدیایی ناوخۆیی و عەرەبی و نزیکەی ٢٥ وڵات بەشدارییان کرد.
بە پێی ڕاپۆرتی هەواڵدەریی خوێندکارانی ئێران (ئیسنا) دوای ڕاگەیاندنی ناوی براوەکان، بەرهەمی بەشداربووانی ئێرانی لەم فێستیڤاڵە لە چەند بەشێکدا هەڵبژێردران.
هەروەها خەڵاتی باشترین بەرنامەی لێکۆڵینەوە بۆ کەناڵی  سەحەری ئێران، باشترین بەرنامەی منداڵان بۆ کەناڵی هۆدهۆد، خەڵاتی باشترین فیلمی ئەنیمەیشن، خەڵاتی باشترین فیلمی دۆکیۆمێنتاری و باشترین خەڵاتی مۆشن گرافیکی سێ رەھەندی بەخشرایە کۆماری ئیسلامی ئێران.
سێزدەهەمین فێستیڤاڵی میدیایی نێودەوڵەتی غەدیر لە 20 تا 22ی تەمموز، بە دروشمی "میدیای پیشەیی و ئەخلاقی" لە بەغدا بەڕێوەچوو.