عەرەبستان ئەمڕۆ چوارشەممەی کرد بە پشووی فەرمی
تشرینی دووهم 23, 2022 09:01 Asia/Tehran
«سەلمانی کوڕی عەبدولعەزیز» پاشای عەرەبستان ئەمڕۆ چوارشەممەی وەک پشووی فەرمی ڕاگەیاندووە.
بە پێی ڕاپۆرتی ئاژانسی هەواڵدەریی دەوڵەتی عەرەبستان (واس)، ئەم بڕیارە دوای پێشنیاری «محەمەد بن سەلمان»ی پاشمیرو بە بۆنەی سەرکەوتنی هەڵبژاردەی تۆپی پێی نیشتمانیی ئەم وڵاتە بەسەر هەڵبژاردەی تۆپی پێی ئەرژەنتین دراوە.
لە فەرمانی پاشای سعوودیەدا هاتووە کە بەبۆنەی سەرکەوتنی هەڵبژاردەی نیشتمانیی تۆپی پێی ئەم وڵاتە، ڕۆژی چوارشەممە سەرجەم کەرتە گشتی و تایبەتەکان و سەرجەم ناوەندەکانی خوێندن دادەخرێن.
هەڵبژاردەی تۆپی پێی سعودیە لە کۆمەڵەی «C» ی مۆندیاڵی ٢٠٢٢ی قەتەر توانی بە دەرەنجامی دوو بە یەک هەڵبژاردەی بەهێزی ئەرژەنتین بباتەوە.
هەروەها تیمە پۆڵەندی و مەکسیکییەکانیش بەشداری ئەم گروپەن.
سەرپەیڤ
